CHFC V/S NIRVANA
Campus Huilhi Football Club ama chal jing toh kilhon in tuni (13/05/11) in JNU Stadium a Nirvana Club hotoh friendly match chu ana challha ta’n ahi. Hiche kichep na a chun Nirvana te’n CHFC chu 5-4 in goljo na ana nei tauvin ahi. Kichep chu anom mama jeng in, chuleh alang lang a akithuh mama jeng uvin ahi. “Hitobang a professional hotoh match kinei hi anom mama in, khantou na khat chuleh experience phatah ahi” ti’n CHFC Manager pu Mangboi Kipgen in kichep chai in CH media ho kom a aphong doh in ahi. Chuleh next semester lam teng amaho toh kichep kit di’n tepna anei thu jong asei in ahi.
CH hin tutu in uniform (Jersey) khat bou akinei in ahi. Hijeh chun Manger pu in CH ngailut najal in keiman set khat na choh peh uving e tin hapta masa chun ana phong doh ta’n ahi. Chuleh, manager pu in asei be na a Session thah ahung hi ding toh kilhon in koiman CHFC Managing Committee/Board phalna beija contract a sign thei lou ding ahi ati.
UNITED WE SMILE…TOGETHER WE PLAY…
UNITED WE SMILE…TOGETHER WE PLAY…
JAPAN CHE DING
Campus a um nungah Rosy Kimneijou Lotjem ahung lhung ding June lha sung a Japan che ding ahi. A research to kisai a ahung lhung ding June 5-15 sung a “JENESYS: Japan-East Asia Network of Exchange for Students and Youths” conference a gapang ding ahi. Hiche toh kilhon chun CH in ahin kipa pi mama jeng in ahi. Nungah Rosy hi tu le tua Ph.D. Japanese Studies a abol ahin, CH in akholjin na ding a best wishes ahin pe in ahi.
WORSHIP SERVICE
Achesa 15 May 2011 (Sunday) ni chun KWSD kikhop na a JNU Prayer Cell in ima jouse lamkai na ana nei un ahi. Lolhing tah le kitup tah in achallha’n, chuleh member ho jouse’n gelkhoh na neitah leh Pathen lhagao kithopi napum a pan alah jeh uvin lamkai teni: Mangkai & Vahboi in kipa thu ahin phong lhon in ahi. Chutoh kilhon chun member ho’n kilung toh tah pan alah natehou kipa najal in zaan in lamkai pu’n member ho cha don khompi na ana nei ta’n ahi. Hitobang a iki lungto nate houhi tunung tuban a jong chepi jing ute ti’n lamkai pu’n temna jong anei in ahi.
LAUNCHING CH T-SHIRT
Phad sottah lunggel leh tohguon a ana kinei CH T-shirt chu achesa April 22 ni chun 167 Sabarmati a thenso na ana kinei ta'n ahi. Prayer Cell lamkai pu Mangkai Haokip in kikhop khomna lamkai ahinlah toh kilhon in T-shirt hung kisem dan teho chomchan houlim na anei in ahi. Chutoh kilhon chun Mangcha Haokip in lamkai teni; Mangkai le Vahboi chung a kipa thu asei toh kilhon in T-shirt design hin bol ho jouse chung a jong kipa thu mipi thalheng in ahin phong in ahi. Chuleh, hiche hin iki lungto nau avet sah e tin ahin phong doh in ahi. Hiche T-Shirt hi tu le tua campus sung a umlah a asenior pen Nungah Ruth in Pathen min pan in lhandoh na anei toh kilhon in ahi. Hiche hin kilung to keo hilou vin, iki ngailut nate hou jong atah lang e tin Ruth in ahin phong doh toh kilhon in kipa vetsah najal in ahung kikhom mipi teho refreshment jong ahin podoh in ahi. Thenso na kin akichai chai in models ho'n T-shirt ki-ah in lim kilah na ana nei tauvin ahi. Hiche T-shirt hi commercial a kibol ahipo'n, ahi. ahinlah, koitobang adei cha tan aum a ahileh kiki houkhom a kigel khom ding ahi ti'n thulhut akimu'n ahi.
T-shirt semna a thale jung ahilou leh adang dang a pan hila ho jouse chung a CH in kipa thu akiphong in ahi.
2. THE SINGTANGMITE FC
3. MUNIRKA FC
4. THE SINGTANGMITE FC
US A CONFERENCE GAJAO
Campus a um Gollhang Dominic Thangminlen Haokip US a Experimental Biology 2011 Conference (9-13 April) aga jao toh kilhon in damsel leh lolhing tah in ahung kile ta’n ahi. Aga che na mun chu ahileh Walter E. Washington Convention Center, Washington DC. Ama’n presentation abolna topic chu ahileh Human SMARCALI, a member of the SW12/SNF2 family, a required for cell division. Hiche toh kilhon chun CH in akipa pi mama jeng in ahi.
CULTURAL PROJECT
Akum seh a JNU North-East Nite (Cultural Programme) aum jing toh kilhon in, Campus a um Kuki chate’n jong nam chonchan leh laam teho tahlang na ahung kinei jing in ahi. Ahin, phatah a ijat inam tahlang ding iti teng leh inam pon/von neilou apoimo mama jeng in ahi. Hitobang a ium na chan uva inam pon/von hou neilou a ium te houhi lhinlal nale ilhah sam nau lentah khat ahi. Inam choisang/tahlang nachu eimaho’n ikibol lou uleh ko’n ihung bol peh diu ham…Hijeh chun ningkum (2010) a pat in Campus a um Kuki chate’n jong nam von ho lamdoh na ding in “Cultural Project” ho ahung kinei pan in ahi. Hiche toh kilhon chun amachal jing e ti thulhut akimu’n ahi. Chuleh, Campus a umjouse’n alha seh a Rs. 100 cheh ahung kito jing toh kilhon in, Alumni ho kom a jong kithopi na hung kihol ding ahi. Chuleh, koitobang angailu a agel khoh jouse’n jong hitobang nam tahlang naleh dopsang na ding a hi sumle pai ahilou leh adang dang a pan lanom chan lem ahijing jeng e.
KSO JNU AREA REPRESENTATIVES
Delhi tolpi ichen nau mun alet le mi atam tah jeh in KSOD lamkai ho’n kivai hom naleh kithujah mat na akigan na thei ding leh akitup jing nathei ding a veng lamkai ngaichat na ahin nei u toh kilhon in JNU a ding in mipi’n kilung toh tah in Gollhang Mangboi Kipgen leh Nungah Bempi Baite lhendoh na ana kinei ta’n ahi. KSO toh kisai a kivaihom na leh kithujah mat na hi amani lamkai na noija ichal jing diu ahitai.
CAMPUS HUILHI FOOTBALL CLUB (CHFC)
Hetna leh chihna ihol naban uva kichep golseh nalam pang a jong imachal jing uvin ahi. Achesa March a pat in CHFC in Pehlum (Football) kichep nalam a jong nasa tah in kitil khouna ana in ahi. Hiche toh kilhon chun club/team chom chom toh ahung kiki chem Jing in, tuni chan in achallha jing in ahi. Chuleh, tu maban a jong kichep pi ding team ni (2); Nepali FC leh NIRVANA (Dwarka based Football Club) gotsa’n aum in ahi. Chuleh, next semester lang tengleh DU lang a jong campaign che ding ti hi lung ngaito khat ahi.
Achesa a hung kiki chep pi ho chu ahileh:
1. NEPALI FC2. THE SINGTANGMITE FC
3. MUNIRKA FC
4. THE SINGTANGMITE FC
KSDF KITHOPINA
Kuki Students’ Democratic Front (KSDF) ho’n lung gel ngaito leh tohguon jat chom chom anei utoh kilhon in Campus sung a um anam chan khom piu asopi te heng a kithopi na/panpi na angaichat utoh kilhon in jo kham kham in kiphal na kham kham ana kidong khom in Rs. 2200 ana kidong doh in ahi. Hiche chung a sum le pai hin toh doh ho jouse chung a Prayer Cell Lamkai Mangkai le Vahboi in kipa thu ahin phong in ahi. Campus sung a umho keo hilou vin, apam a umho’n jong KSDF ho hahsat naleh anatoh/thilguon tehou jal a kitho pi thei chan in iki tho pi diuvin tem ahi.
